Mill-Qalb

Sinopsi

Il-maġija tal-ewwel imħabba; imħabba vera li tkun reċiproka tassew speċjali;  Imħabba li tkun l-iktar ħaġa prezzjuża, pura u ġejja mill-qalb. Il-ġmiel tagħha  biċ-ċert iwassal għal emozzjonijiet li kważi diffiċli li ssib kliem għalihom. Minkejja din n-nuqqas ta’ din l-abbiltà, xorta tipprova ssib il-kliem addattat biex tesprimi dawk il friefet ġo fik biex turi l-apprezzament tiegħek lejn il-persuna li hi tassew għażiża għalik.

Bijografiji

Gaia Cauchi - Artista u Kompożitriċi

Gaia, kantawtriċi ta’ 21 sena, bdiet il-vjaġġ mużikali tagħhameta kellha biss  sentejn u nofs, fejn affaxxinat lill-udjenzi bil-kapaċità straordinarja tagħha. Matul  dawn l-aħħar 18-il sena, Gaia għamlet impatt sinifikanti kemm fix-xena lokali kif ukoll dik internazzjonali. Gaia rrappreżentat lil Malta fil-Junior Eurovision Song Contest  tal-2013, fejn rebħet dan il-konkors għall-ewwel darba għal Malta. Din ir-rebħa hi ġiet preżentata bil-premju prestiġjuż ta’ Ġieħ ir-Repubblika u hija l-iżgħar persuna li qatt irċeviet dan il-premju. Din il-kisba waslitha biex tkanta bħala mistiedna fil-finali tal-Eurovision Song Contest tal-2014. Fl-2015, Gaia rebħet in New Wave Junior fir-Russja u wara ġiet mistiedna tittanta xortiha fuq X Factor tar-Renju Unit fejn ingħaqdet mal-grupp Sweet Sense. Huma rnexxielhom jaslu sal-istadju tal-kompetizzjoni Judges’ Houses taħt il-gwida tal-artist famuż Robbie Williams. Gaia kellha wkoll iċ-ċans li tkun waħda mill-artisti lokali li jieħdu sehem f’Isle of MTV Malta u kienet waħda mill-ftit artisti li kellhom l-opportunità li ngħataw din l-opportunità darbtejn. Tul dawn l-aħħar snin, hi ħadet sehem f’diversi f’għadd ta’ korsijiet li jiffukaw fuq il-kitba tal-kanzunetti. Bħalissa qed tiffoka fuq il-ħolqien ta’ mużika ġdida u tinsab ħerqana li tniedi aktar materjal. 

Cyprian Cassar - Kompożitur

Cyprian Cassar huwa kompożitur, arranġatur u producerproduttur li twieled fil-15 ta' Awwissu 1983. Flimkien mal-ħabib kbir tiegħu, Joven Grech, huwa kien parti mid-duo famuż Tenishia, li kiseb fama internazzjonali u kklassifika fost l-aqwa 100 att fid-DJ Mag għal erba’ snin konsekuttivi.

Minn mindu fetaħ l-istudjo personali tiegħu, Cyprian kellu l-opportunità li jaħdem ma' diversi artisti Maltin, fosthom: Janice Mangion, Danica Muscat, Miriana Conte, Maxine Pace, Enya Magri, Gaia Cauchi u Kevin Paul.

Żewġ kompożizzjonijiet tiegħu, ‘Marchin’ On’ fuq lirika ta' Emil Calleja Bayliss bil-vuċi t’Ela Mangion u ‘My Home’ fuq lirika ta' Matt ‘Muxu’ Mercieca bil-vuċijiet ta' Ike u Kaya, ġew magħżula biex jirrapreżentaw lil Malta fil-Junior Eurovision Song Contest fl-2018 u fl-2021, fejn ikklassifikaw fil-5 u t-12-il post rispettivament.

Fl-2019, kellu wkoll iċ-ċans li silta li kiteb flimkien ma' Niall Mooney, Jonas Gladnikoff, Daniel Muscat Caruana, Anna Banks, Fiachna Ó Braonáin, u Anna Kearney, bl-isem ‘Banshee’, tirrapreżenta lill-Irlanda fil-Junior Eurovision Song Contest 2019.

Matul l-2022 u l-2023, huwa kkompona u pproduċa wkoll il-kanzunetti ‘Jekk Mhux Int’ u ‘Mhux tal-Aħħar’, it-tnejn fuq lirika ta' Emil Calleja Bayliss bil-vuċijiet ta' Lisa Gauci, Drakard, u Maxine Pace. Dawn iż-żewġ kanzunetti It-tnejn kklassifikaw  fl-ewwel tliet postijiet a tal-edizzjonijiet rispettivi tagħhom ta' Mużika Mużika, billi spiċċaw fit-tieni u l-ewwel post.

Emil Calleja Bayliss - Awtur

Emil Calleja Bayliss ilu jikteb il-lirika għall-kanzunetti għal dawn l-aħħar tlettax-il sena fejn ħa sehem f’diversi kompetizzjonijiet lokali, u wkoll ħa sehem f’oħrajn  kif ukoll barra minn xtutna. 

Hu kellu x-xorti li jippreżenta numru ta’ kanzunetti ġo festivals lokali li fihom kiseb diversi suċċessi li jibqgħu għal qalbu. Emil rebaħ l-ewwel festival tiegħu fl-2014 bil-kanzunetta ‘Back To’ u minn hemm qatt ma ħares lura.  

Hu kiseb l-ewwel post fil-festival L-Għanja tal-Poplu Żgħażagħ bħala awtur fl-2017 bil-kanzunetta ‘Dwell’ u fl-2018 bil-kanzunetta ‘Ħaġar Qim’, filwaqt li fl-2018 rebaħ il-festival L-Għanja tal-Poplu bil-kanzunetta ‘Mhux Kulma Jleqq Deheb’.

Emil kiseb diversi suċċessi fil-Konkors Kanzunetta Indipendenza fejn fl-2017 rebaħ bil-kanzunetta ‘Bħal Fjura’, fl-2018 bil-kanzunetta ‘Il-Pinna’ u fl-2021 bil-kanzunetta ‘Nifs’. Fl-edizzjoni Junior tal-istess konkors,  Emil kiseb l-ewwel post fl-2019 bil-kanzunetta ‘Burdati’, fl-2020 bil-kanzunetta ‘Tfixkluniex, Tħawduniex’ u fl-2021 bil-kanzunetta ‘Marelli Ma’. 

Tliet kanzunetti miktuba minnu rrappreżentaw lil Malta fil-Junior Eurovision Song Contest; fl-2017 ‘Dawra Tond’, fl-2018 ‘Marchin’ On’ u fl-2020 ‘Chasing Sunsets’. Is-sena li għaddiet kien l-awtur rebbieħ ta’ Mużika Mużika permezz tal-kanzunetta ‘Mhux Tal-Aħħar’ ta’ Maxine Pace fuq kompożizzjoni ta’ Cyprian Cassar.